Dai 11 di Otubar dal 2021 ai 31 di Zenâr dal 2022.

In pali 2 gift cards Città Fiera di 150 euros.

Dai 11 di Otubar dal 2021 ai 31 di Zenâr dal 2022 partecipe al concors “La peraule dal cûr” par vinci une gift card Città Fiera di 150 euros.

Par partecipâ al concors, jemple e spedìs il modul cu la filastrocje o cu la peraule in lenghe furlane che plui tu âs tal cûr, dutune cu la motivazion sul significât speciâl che e à par te chê filastrocje o peraule.

Cun cheste iniziative, Città Fiera al vûl promovi la culture e la cognossince de lenghe furlane, slargjâ il so ûs, valorizâ e incentivâ il dialic tra lis diviersis gjenerazions, in ocasion de publicazion dal sît multilengâl dal centri comerciâl, li che e je dute une sezion par furlan, cun traduzion curade de ARLeF – Agjenzie Regjonâl pe Lenghe Furlane, che e à ancje patrocinât chest bant di concors.


CEMÛT NOTÂSI

Dai 11 di Otubar dal 2021, discjame il modul di iscrizion (tu lu cjatis culì), compililu cul computer, e scrîf:
1)    dâts personâi;
2)    peraule o filastrocje dal cûr, che e varà di jessi scrite par furlan;
3)    motivazion, che e pues jessi scrite, a sielte dal partecipant, par furlan o par talian.

Il modul compilât al va inviât vie email a segreteriapromozioni@cittafiera.it dentri dai 31 di Zenâr dal 2022.

La partecipazion e je gratuite e e je vierte:

- a dutis lis personis nassudis, residentis o domiciliadis inte Union Europeane

- aes scuelis dal teritori furlanofon: par partecipâ a varan di regjistrâsi cul nominatîf dal insegnant, dutune cui dâts de scuele, precisant la classe e la sezion.

Ogni partecipant o ogni classe a puedin mandâ al massim une peraule o une filastrocje.

Tal câs che a partecipin minôrs, la iscrizion e à di jessi fate ancje cul nominatîf di un gjenitôr o di cui al fâs lis funzions.

La iscrizion e podarà jessi fate tra i 11 di Otubar dal 2021 e i 31 di Zenâr dal 2022 mandant vie pueste eletroniche il modul compilât e complet. Dentri di 10 dîs di vore de spedizion, dome a chei che a saran stimâts meritevui, ur rivarà une email di conferme di idoneitât dal elaborât inviât.

Tra ducj i iscrits idonis, la Jurie e selezionarà n. 2 vincidôrs e 6 risiervis. I vincidôrs a vignaran premiâts cuntune Gift card dal Centri comerciâl Città Fiera dal valôr di 150€. A saran ancje ricognossiments e menzons di onôr par chei che la Jurie, a so judizi insindicabil, e stimarà meritevui. Cun di plui, a ducj i premiâts ur vignarà regalât materiâl in lenghe furlane metût a disposizion de ARLeF.

La proclamazion dai vincidôrs e je previodude pal mês di Fevrâr 2022 al Città Fiera. La date e sarà comunicade par timp vie email ai partecipants idonis.

Discjame il regolament integrâl e il modul di partecipazion che tu cjatis culì.

Par informazions scrîf a segreteriapromozioni@cittafiera.it

Cul patrocini de ARLeF – Agjenzie Regjonâl pe Lenghe Furlane